在下在香港做髮型已有一段日子，不倫屋村劈場，中環A grade salon等亦做過下，今次想分享一下在Dot舖工作時,曾經日日都會講下嘅術語，因為似乎新世代髮型師已經無乜人識得用背語溝通，真心希望呢d老背可以一代傳一代落去。
戰後香港的理髮店是上海幫天下，而上海理髮店的「術語」就在港「發揚光大」，這些術語的來源雖已無法稽考，但部分至今依然流行。現在不如重溫一下，看看還流傳多少﹖
術語/暗語=老背(响您面前講一埋你聽完都唔知我講乜嘅野，使用動機有d似初戀無限touch裡面嘅S language www.tudou.com/programs/view/rD1-zOsxXu0/)
頭髮 = 草 (eg: 短頭髮叫 "短草" ， 厚頭髮叫 "叠草")
草王 =好多頭髮既人
洗頭 = 漿草
剃鬚 = 趕蟻
吹頭 = 爬草
剪頭髮 = 烤草
染髮 = 包草
負離子 = 老負
電髮 = 放草
按摩 = 老按
快D = 吊踭
慢D = 助踭
女人 = 膜
女顧客 = 膜仔／膜全
（點解分膜仔同膜全呢.....就係形容個女士們下面塊膜係穿左定未穿)......講到咁都應該知la掛)
靚女 = 順膜
溝女 = "that" 膜
大陸女人 = 大菌膜
老女人 = 老膜泉
男人 = 山頭（代表頭髮好似山頭咁亂）
小朋友 = 猛仔
Dot佬 = 理髮師傅
Dot鋪 = 髮型屋
Stylist = 老大
Junior = 山仔
Permer = 漿扎
Commission = 漿膏 / 馬子
Tips = 蝦仔 / 射波
煙 = 漒
煙頭 = 曼頭
是但,求其,冇所謂 = 老是
撞鼻鬚 = 被顧客投訴
波挖 = 形容個客好奄尖
好波 = 即係代表d頭髮好差
波左 = 即係代表整得差or整爛左個客既頭髮
整波佢 = 意思係要整差個客既頭髮.唔好整得好,原因多數係個客唔肯俾高價錢
高時宿(樹叔) =形容＄,即係代表高價錢,通常都會留意多d
低時宿(樹叔) = 形容＄,即係代表低價錢,個客唔肯俾多d錢,cheap客
好順 = 多數形容個女仔靚,通常都好多人搶住想幫佢整
曬櫈 = 冇(沒有)生意
洗剪吹 = 吳浩康
舊日的理髮店，通常有十個師傅，每一個都有代號，好讓熟客上門時，方便通知。
「白板」一號師傅；
「夫子」二號；
「霸王」三號；
「罵到」四號；
「紅柑」是五號；
「綑」是六號師傅；
「聚子」七號；
「番瓜」是八號；
「圓盅」九號師傅；
「大千里」是十號。
假如在理髮舖聽到「膜仔係紅柑做，畀好多射波」，你知道是甚麼意思嗎？原來意謂「女客係五號師傅做的客人，她給的貼士很多！」
飛髮師傅又叫剃工、待詔、篦頭師傅、剃頭匠、整容匠，男者叫飛髮佬，係專門幫人飛髮嘅師傅，傳統七十二行之一。剪頭髮、剃髮、洗頭都有。有啲現代啲，有髮型設計，燙髮、染髮之類，通常叫自己理髮師，有啲進爲形象而做，叫髮型師。
師傅嘅舖頭，叫飛髮鋪。
點解廣東人飛髮叫飛髮，唔叫理髮呢？
粵方言謂男界理髮為“飛發”此“飛”即該fit也！
清代以前，漢族男子挽髻束於頭頂，清代則剃頭紮辮，均無所謂理髮。辛亥革命，咸與維新，剪發勢成燎原。但民國肇造期的“剪發”，把辮子齊根剪斷而已，發梢披散，不男不女。
發而能“理”，決定性的條件乃西洋推剪之及時傳入。有了推剪，中國男人才有延至今天的普遍髮型。“理髮”之英文表述，是to have a haircut。cut者，切割而已，就與“發”之動賓配搭而論，規範化漢語把它演繹為“理”，言簡意賅。
不過粵方言自有特點，廣州人善於吸納外來詞並使之本土化。例如“理髮”，地道粵方言要說“fit髮”，把fit讀得更輕靈，便成“飛”。
何以粵方言棄cut而選fit？首要“橋段”，是fit之核心內涵乃“使之合適”，把頭髮修整得合適，正好跟“理”相符。
“飛髮”即“fit髮”，這有上海話可資佐證。自19世紀中葉出現洋涇浜英語迄今，上海俚語把配備傳動裝置的小機械稱作“飛”，如單齒輪叫“單飛”，三級變速自行車叫“三飛”。洋涇浜的“飛”，已被確證為對於fit的借用。異曲同工，粵方言借fit指稱理髮，另一“橋段”即為那把配備了彈簧的推剪！
